Эрэлхэг Монголын ухаалаг ардууддаа "Эсгий туургатны соёл боловсролын төв"-c УЛС ТУНХАГЛАСНЫ 97 жилийн ойн баярын мэндийг өргөн дэвшүүлж байна!
2008 оны арванхоёрдугаар сарын 29-нд нийт Монголчуудын хувьд чухал ач холбогдолтой өдөр байсан хэдий ч ард түмний дунд бий болгосон буруу ташаа ойлголтоос болж "Happy new year" буюу шинэ жилийн баярын сүрэнд дарагдаж чимээгүйхэн өнгөрлөө. Энэ өдрийн утга учрыг ойлгодог хэн бүхний хувьд баярт өдөр байсан нь лавтай, цаашдаа ард олноороо энэ өдрийг өргөнөөр тэмдэглэж, албан ёсоор "УЛС ТУНХАГЛАСНЫ БАЯРЫН ӨДӨР" хэмээн зарлана гэдэгт итгэлтэй байна.

1911 оны арванхоёрдугаар сарын 29-нд Монгол улс тунхагласан.
Бидний мэдэх түүхээр бол эсгий туургатны нэгдсэн улс болох Их Монгол улсыг 1206 онд дэлхий дахинаа зарлан тунхагласан байдаг. Тэр үед улсаа тунхаглаж байна гээд албан ноот бичиг илгээсэн асуудал байхгүй, хүлээн зөвшөөрөгдөхөөс ч өөр аргагүй сүр хүчтэй байсан. Бүх зүйл цаг хугацаагаар хэмжигддэг тул Их Монгол улс хэд хэдэн хэсэг болон хуваагдаж, бахархмаар, гутармаар олон түүхүүд хөвөрсөөр Манжчин улсад тусгаар тогтнолоо алдсан гэдгээ хэн хүнгүй хүлээн зөвшөөрдөг. 1911 оны арванхоёрдугаар сарын 29-ний өдөр Монголчууд тусгаар тогтнолоо сэргээж, улсаа дэлхий дахинаа тунхагласан нь олон улсад хүлээн зөвшөөрөгдөх анхны том алхам байв. Ингээд хэлчихээр 1924 оны арваннэгдүгээр сарын 26-ны өдрийг улс тунхагласны өдөр биш гэлээ гээд бөөн маргаан дэгдэнэ. Нэг хэсэг нь аль нь ч байсан яахав гэж бодож байхад ихэнхи хэсэг нь 1924 оны арваннэгдүгээр сарын 26-нд хэмээн итгэж, улсын хэмжээнд тэмдэглэн өнгөрүүлж байна. Харин "жинхэнэ" улс тунхагласны баяр хаяанд ирсэнтэй холбогдуулан дараах тайлбарыг хийв.

 

Эсгий туургатны соёл боловсролын төвийн ажлын байранд явагддаг үйл ажиллагаанууд хэсэг хугацаанд завсарлаж байгааг нийт гишүүд дэмжигчиддээ мэдэгдэе. Ажлын байргүй болсонтой холбогдуулан тус төв дээр товлогдсон уулзалт цуглаан, сургалтууд тодорхойгүй хугацаагаар хойшилж байна.
ЭТСБТөв хараат бус, бие даасан байдлаар үйл ажиллагаагаа явуулсаар өдийг хүрсэн, цаашдаа ч өөрсдийн бор зүрхээр зүтгэж, Монголоо гэсэн сэтгэлтэй хэн бүхний мэдлэг боловсролд хувь нэмрээ оруулах, үндэстний үзэл суртлыг танин мэдүүлэх, түүх соёлоо судлаж суралцах таатай орчинг бүрдүүлж, сургалтын танхимтай болохоо амлаж байна! Нийгэмд үйлчлэх үйл ажиллагаанууд хэвийн явагдаж, цахим хуудсаар мэдээ мэдээллээ хүргэх болно. Манай төвийн нэрэмжит хүүхдийн "Янзага" бүлэг, сайн үйлсийн аян, хоггүй орчин, Монгол хүн, Монгол  улсын эрх ашгийг хамгаалах жагсаал цуглаан гэх мэт ажлын байртай онц ач холбогдолгүй үйл ажиллагаанууд урьд урьдынхаас илүү эрчимтэй явагдана.

 

Монгол туургатан мандан бадраг!

2008 оны 12 сарын 22